Овој договор го регулира пружањето на здравствени услуги во делот на специјалистичко-консултативната и болничката здравствена заштита, овозможувајќи достапна и квалитетна грижа за сите осигуреници.
Цени на здравствени услуги
Цените на медицинските услуги во нашата установа се формираат врз основа на официјалните методологии на ФЗО:
- Специјалистичко-консултативна заштита: Цените се утврдени според дефинираните пакети на здравствени услуги.
- Болничка здравствена заштита: Наплатата се врши преку системот на Дијагностички сродни групи (ДСГ), со што се обезбедува стандардизиран приказ на трошоците за болничко лекување.
Партиципација и учество на осигурениците
Висината на личното учество (партиципација) на осигурените лица е определена согласно Одлуката за утврдување на висината на учеството на осигурените лица во вкупните трошоци на здравствените услуги и лекови, донесена од Фондот за здравствено осигурување.
- Наплата: Наплатата на партиципацијата за амбулантските пациенти ја врши административната служба , додека за хоспитализираните пациенти истата се регулира преку благајната на Клиниката.
- Максимален износ: Согласно законските измени (Сл. весник бр. 20/2012), максималниот износ на партиципација за една здравствена услуга во специјалистичко-консултативната и болничката заштита изнесува 6.000,00 денари.
